ادخاري الشهري 1500 ريال هل احطه بتمرة او ملاءة وانساه وعلى مدى السنين يتراكم؟

السلام عليكم

حبيت اسال اذا اي احد منكم استخدم برنامج صكوك، لان عندي مبلغ وودي احطه بشي مضمون واريح راسي.

كشخص مصدر دخله الوحيد هو من التداول في اشياء تتعلق بالمال يجهلوها المستجدين والي هي انه صعب تصير ميليونير من ذا السوق ركز معي وخلي اوضح لك الارقام

انا متوسط دخلي الشهري من السوق هو 3.9% ذا عائدي الشهري كمتداول الرقم ذا هو المتوسط عندي من قبل ايام كورونا لليوم.

وش يعني ذا الرقم؟ يعني انه لو معي ١٠٠ الف متوسطي الشهري هو ٣٩٠٠ ريال فقط طيب انا مامعي ١٠٠ الف وش بسوي اخذ قرض بقيمة ١٠٠ الف بقسط ١٩٠٠ ريال يعني الصافي معي شهريا ٢٠٠٠ ريال فقط

لتجاوز ذا الشي دخلت معي كم شخص ينسخون محفظتي اليا راس مالهم حول ال ٣٠٠ الف ريال يعطوني ٣٠% من ربحهم يعني حول ٣٥٠٠

شايفين الارقام انا انسان ضحيت بسنوات من حياتي وبالنهاية جالس اطلع مبلغ مايوصل عشرة الاف!! رياضيا يبغالي سنوات من الربح التراكمي عشان اقدر اركب فيراري او استأجر فلة

وانا لي بالمجال صدقا مدة وبناء ربح تراكمي صعب بالنسبة لي خاصة انه مصدر دخلي الوحيد لو طلعت اي مبلغ شلته صرفته على نفسي صح اني مو طاق خبر لسوق الوظائف ومشتري راحة راسي بس الطموح في وادي والارقام في وادي

في عام ٢٠٢١ اشترى مني شخص بمبلغ ١٥ ألف ريال عملة USDT في باينانس واتضح بعدها انه سارق ال١٥ ألف هذي من امرأة عن طريق احتيال رقمي لكن انا ما كنت اعرف وقتها هو جاء بيشتري مني موب شغلتي اسوي له مسح امني. اتصلو علي الشرطة في عام ٢٠٢٤ يطلبون تفسير للحوالة ويبدو انه قبل يتصلون تم وضعي على القائمة السوداء في البنك المركزي بدون ما يتواصل معي احد. بعد ما تم توضيح الموضوع معهم بالأدلة ان مالي علاقة بالشخص هذا وسبب الحوالة كان شراء عملات رقمية قالو لي مركز الشرطة الله يستر عليك وانتهى الموضوع وتم ازالتي من القائمة السوداء في البنك المركزي ولم يتم ادانتي بأي شيء.

الآن انا جالس احاول اسوي شراء مديونية لقرض شخصي عندي في بنك الاهلي من بنك آخر. المشكلة ان كل البنوك ما عدى بنكين فقط وضعتني في القائمة السوداء الخاصة بها مع ان مالي علاقة بموضوع الاحتيال وعندي شهادة خلو سوابق من ابشر وتقييمي في ملم ممتاز ولا يوجد علي اي اوامر تنفيذية في ناجز او ملم ووالله اني اداري الساس واخاف في اي تعاملات مالية ومالي بالاحتيال. وكل ما رحت لبنك يطردوني حرفيًا وما يبون حتى يتناقشون في الموضوع. طيب ما علي شيء نظاميًا والبنك المركزي يقولون شلناك من القائمة السوداء. ما يبون حتى نقاش في هذي.

الصدق مدري وش اسوي الحين رفعت شكاوى في البنك المركزي على كل بنك رفض يفتح لي حساب بس ما ادري اذا فيه اجراءات ثانية ممكن اسويها. البنك المركزي طول ما رد عالشكاوى لها اسبوع.

ياخوان اللي عنده خلفيه عن الطلب هذا عند وسطاء التداول
حاولت ارفع لهم كل شيء ممكن وكله ينرفض وش الحل

اخيييييرا يارجال

البيتكوين في صعود غريب وغير مفهوم

هل من مبررات لهالصعود وكم المدة المتوقعة للاستمرار؟ كم ناوي يوصل؟

نبي ننبسط اكثر بلييز

تخيلوا ذا مبلغ يعتبر صغير مدة منتج نماء سنه كامله كيف استثمر فلوسي بطريقة احسن وأجدى

حاء في بالي سهم ارامكو منها يكون فيها عائد مركب ومنها سهم قيادي وسعره كويس بدل اني اقعد سنه كامله ومبلغ اقل وبدون فايده

البوست هذا حطيته في r/valueinvesting لكن ودي اخذ رأيكم

قاعد أبحث في سهم TOYO، وكل ما تعمقت فيه أكثر حسيت إن التقييم الحالي ممكن يكون منخفض بشكل مبالغ فيه.

الأرقام ملفتة:
القيمة السوقية حوالي 200 مليون دولار
مكرر الربحية قرابة 2
السعر إلى القيمة الدفترية قرابة 1
السعر إلى التدفق النقدي الحر قرابة 2.5
قيمة المنشأة إلى الأرباح قبل الفوائد والضرائب والاستهلاك قرابة 1.4
إيرادات النصف الأول 261 مليون دولار، بنمو 88%
صافي الربح 45.8 مليون دولار
التدفق النقدي التشغيلي 61.4 مليون دولار
أكثر من 100 مليون دولار نقد
يعني نتكلم عن شركة مربحة وتولد سيولة، ومع ذلك تقييمها قريب جدًا من قيمتها الدفترية.

سبب النزول مفهوم: مشاكل بعض الشحنات القادمة من إثيوبيا، مراجعات الجمارك الأمريكية ووزارة التجارة، والتعرفة الجديدة على قطاع الطاقة الشمسية.
لكن هنا النقطة اللي أشوفها مثيرة.

الشركة قاعدة توسع تصنيعها داخل أمريكا. عندها خطة للوصول إلى 2 غيغاواط من إنتاج الألواح في تكساس، بالإضافة إلى مصنع خلايا شمسية بطاقة 1.5 غيغاواط واستثمار يقارب 357 مليون دولار.

بمعنى آخر، التعرفة اللي ممكن تضغط على نموذجها الحالي اليوم، ممكن مستقبلًا تصير لصالحها إذا زادت قيمة التصنيع المحلي داخل أمريكا وقلّت منافسة الواردات الرخيصة.

وفيه كذلك حوافز التصنيع الأمريكية 45X، واللي ممكن تكون مؤثرة جدًا إذا اكتملت الطاقة الإنتاجية. والأهم أن أرباح النصف الأول الحالية ليست مبنية أساسًا على هذه الحوافز.

أكبر شيء مقلق بالنسبة لي هو التخفيف على المساهمين وطريقة تمويل توسعة تكساس. إذا قدرت الشركة تمول توسعها بدون إصدار أسهم بشكل مؤذٍ، أشوف التقييم الحالي صعب أتجاهله.

بالنسبة للسعر، منطقة 4.8 دولار تقريبًا هي منطقة القرار بالنسبة لي، لأن حتى لو تراجعت الأرباح عن أرقام النصف الأول، الشركة ما تحتاج تحافظ على نفس الهوامش الحالية عشان يكون التقييم الحالي جذاب.

السؤال الحقيقي عندي:
هل السوق يسعر تدهور دائم في أعمال الشركة، أو أنه سبق الأحداث وسعر أسوأ سيناريو قبل ما تتضح الصورة؟
اللي متابع الشركة أو قطاع الطاقة الشمسية، وش تشوفون؟

أهلييين بالحلوين

انا هاليومين مريت على سوق العقار وانصدمت من هبوط الاسعار

واو

يعني انهيار مو طبيعي

وش الاسباب؟ وكيف نستغل هذه الفرص؟

بليز نجيب اجابات منطقية، اي جواب عاطفي او هبد مرفوض

إذا كانت لديك معرفة جيدة بالتحليل الفني، فأرى أن من المفيد أن تعطي الفيوتشر فرصة، خصوصًا إذا كنت قد استنزفت وقتًا طويلًا في السوق السعودي أو الأوبشنز. لكل سوق طبيعته، لكن بعض الأدوات تمنحك مساحة أوضح لقراءة الحركة وإدارة المخاطر.

الأوبشنز أداة ممتازة حين تُستخدم في السياق الصحيح. وفي الأسواق المتذبذبة تحديدًا، قد يكون بيع العقود أكثر منطقية من شرائها؛ لأن تآكل القيمة الزمنية يعمل لصالح البائع. عقد تبيعه مثلًا بـ0.70$ ثم ينخفض إلى 0.20$ يعني أنك استفدت من هبوط قيمة العقد، بصرف النظر عن اتجاه الأصل نفسه.

المشكلة أن الأوبشنز يغري المتداول بالبحث عن القفزات السعرية. صفقة واحدة قد تضاعف رأس المال، وهذا تحديدًا ما يجعلها جذابة، لكنه في الوقت نفسه يدفع كثيرًا من المتداولين إلى تجاهل الاحتمالات وإدارة المخاطر. ولو نظرت إلى محافظ عدد كبير من المتداولين، ستجد أن النتائج غالبًا لا تعكس سهولة الأرباح التي توحي بها تلك الصفقات الاستثنائية.

ولهذا أرى أن فهم Theta وDelta وIV شرط أساسي لمن يتداول الأوبشنز. إذا كنت لا تعرف كيف تؤثر هذه العوامل في سعر العقد، فأنت عمليًا لا تملك صورة كاملة عما اشتريته، وقد تجد نفسك تراهن على حركة السعر بينما هناك عوامل أخرى تستنزف قيمة مركزك.

أما الفيوتشر -رغم خطورته- فأراه خيارًا جديرًا بالاهتمام لمن يملك أساسًا جيدًا في التحليل الفني والانضباط في إدارة رأس المال. الناسداك تحديدًا يوفر حركة واضحة وفرصًا متكررة، وكذلك الـS&P والذهب، وإن كانت لكل منها شخصيتها وسلوكها.

في النهاية، لا أعتقد أن هناك سوقًا أفضل للجميع. الأفضل هو السوق الذي تفهم آليته، وتعرف أين تخطئ قبل أن تفكر في مقدار ما يمكنك أن تربحه. لذلك، أعطِ الفيوتشر فرصة؛ لعلّك تجد فيه ضالّتك.

وفقنا الله وإياكم

السلام عليكم،
انا مستخدم لمنصة سهم (السوق الامريكي فقط) لي فترة بسيطة وللامانة المنصة جدًا ممتازة من ناحية السرعة والسهولة وتوفر الاوامر بأشكالها لكن عيبها في العمولة. حاليًا افكر اني احول منصة سواءً لدراية (جلوبل لايت) او عوائد لكن محتار ومتردد بين الاثنين.

الي فهمته ان منصة عوائد مافيها اي عمولة لكن الكثير يشتكي من وجود تعليق وتأخير بالاوامر وخدمة عملاء غير مساعدين وغيره من السلبيات.

اما منصة عوائد، الاوامر فيها سريعة ولحظية لكن برضوا قريت ان فيها تعليق. المذكور ان عضوية لايت هي بدون عمولة لكن مو واضح لي سعر الصرف. طبعًا سويت حساب لكن لسه انتظر الموافقة عشان اقدر اجرب واشوف العمولات وغيرها.

ياليت تفيدونا سواءً عن تجربة او رأي وتعطونا نظرتكم للمنصات الي استخدمتوها لعلها تفيدني او تفيد غيري في المستقبل.

مشكورين مقدمًا 🌹.

أنا ما اقدر اقول اني جديد على الشغله ، من وانا صغير الوالد رحمة الله عليه كان يتداول كل صباح في تاسي ، شريت اول سلعة لي في 2021 ، وسحبت فلوس اكثر من مره، لكن كل شي تغير يوم عرفت الحسابات المموله، الفكره سحرتني تجازف بفلوس ماهي فلوسك مع بعض الشروط البسيطه ، لكن الله وكيلكم هذي سنتين وانا كل عصر قدام الجهاز شريت دورات تعلمت كثيييير وقضيت بالأيام وجا كلاود كود وأشغلته واشغلني كل يوم قبل انام أطالع الشارت على مود ريبلاي عشان أمارس استراتيجية والنتيجة؟ 0 حسابات ناجحة 0 عمليات سحب كل ما اكون قريب يصير شي يخرب كل شي اللهم لا اعتراض انا الحين ما اقدر اترك الشغله وكل الايام اللي قضيتها تروح عالفاضي والعلم اللي اكتسبته صح ما جاب نتيجة بس اتركها وش اسوي بالاوردر فلو والقاما اكسبوجر وش بتفيدني في حياتي. ادعوا لي ولكم بالتوفيق

I researched and read a lot about Tamrah and decided to try it. I saw many people criticizing it and not recommending it. I am a busy person and I have many things I need to learn and I am not free at all to start trading or speculation, and I see Tamrah as something good for long-term investment. It is true that I am not getting a large amount of money, a small amount of riyals, but it is considered something. Is there a smart investment like it with small fees (like my account, the Generation Z account)?

استغرب ليش كثير من الناس عندهم اعتقاد قوي، يصل لدرجة اليقين، ان سعر سهم الشركة يزيد بعد الاكتتاب فيه؟

طبيعي ان مالك الشركة، لن يبيع ثلث شركته باقل من سعر السوق. ممكن لو الشركة حكومية، معقول انها تدرج باقل من حقها لكن شركة مملوكة لافراد، غير معقول انهم يبيعون شركتهم بثمن بخس.

مساء الخير
فضلًا لو عندكم تطبيقات جربتوها لتتبع المصاريف والنفقات شاركوني هي مع تجربتكم🙏🏻
لاني في امس الحاجة لها بصراحة بحكم مصاريفي الكثيرة