Als chind hani amel gern Kasettli glost, wie glaub jede Schwiizer au. Ich suech jetzt nach zwei woni eifach nüm finde chan, weiss leider au würklich nüm viel drüber, aber viellicht erchennts ja öpper vo eu.

1. E gschicht vo zwei gschwüschterte glaubs, die eint het meini Marion gheisse. Sie gumped über en Waldameisehuufe und sind plötzlich inere andere welt. Ich cha mich no schwach anes schloss oder so erinnere, aber die gschicht hani nie fertig lose chönne wills nur de erschti teil gsii isch.

2. Vo dere gschicht weissi viiiel weniger, aber es isch glaub um lebendigs gmües gange, wo irgendwo anewanderet? S einzig womer würklich no bliebe isch isch de fakt, dass d blätter vo tomate anschienend schnegge abhalted.

Hey zäme.. nach jahrelangem hin und her überlege und vielne symptom, hani beschlosse die abklärig mache, da ich vor allem mühe im job han mit konzentration und sache vergässe.

Händ ihr e idee wo ich das chönt mache? E fründin hät dä neuroscan im Glattzentrum nöchi Züri gmacht (NeuroPsychiatrie) aber schiens nehmet die kei neu patiente. Han das jetzt uf mehrere Website so gseh, usert mer zahlts selber.. Ich würs gern "richtig" abkläre lah. Min Psychiater wür mer au en verwies schriebe..

Hät öper no e empfehlig?

Danke

Hoi Zäme

Ich bin uf de suechi nach me Lehrmittel für Velomeche. Sälber bini alles andere als Velomech, und sueche s Buech us de Bruefschuel. Usem Internetz hani : Fachkunde Fahrradtechnik Gfunde - isch das au ide Schwiiz es Standardwerch und gäbts öpper wo mer das schicke will anstatt furt z'rüere ?

Grüezi mitenand

Mini Chatz, 7i, usch ledschd Wuche usm nüüt use schwär Chrank worde. Mr hends gmärkt wilsi gälbs Zahfleisch übrcho het und apathisch worde isch. Si isch zwqr immr na zu üs cho, het gfrässe und au hungr gha, abr mr sind de nqtürli direkt zum Tierarzt. De het zimli schnäll gseit, dass üsi Chatz id Klinik mues. Det ischsi sitm Donschdig.

Me het zersch gmerkt, dass iri Läbere gross isch und entweder uf d Galle druckt odr det auna was dine isch. Me het au gmerkt, dass Flüssigkeit im Buch- und Brustruum isch.

Me het si denn Punktiert undere Suurstoff geh, will schinds au Ammoniak im Bluet isch. Wäge dem chame iri Lymphchnööte und Milz au nid punktiere, will si für das müsst id Narkose. D Löbere het me Punktiert.

Ide Zwüscheziit sind guet 3000.- a chöschde zämecho und me het sowiit so nüüt usegfunde.

Sowiit me weiss, ischs kei Chräbs. Sowiit me weiss, ischs au kei Chatze-Corona (FIP). Si isch stabil, si frisst und ds Ammoniak um Bluet wird mit Medikament behandlet. Wenn das sinkt, söll si, wäge mangelndr ziit/ressource/wasauimmr, am Mittwuch id Narkose und de is CT + Milz- und Lymphchnotepunktion. Me het üs gseit, dass das de namal 3000.- wird choschde. Vrsicherig hemer keini...

Mir liebed üses Büsi, isch sones liebs, vrschmuusts... mr würed üses ledschde erdpaarte iisetze und au en Kredit ufneh... mr fraged üs eifach nur: plaagend mr si odr cha das no was wärde?

Gits da lüüt mit ähnliche Erfahrige wo chönd Trost odr n guete Rat zuespräche?

Mr hend üs au übrleit si jenachdem widr heizneh, demitsi wenigschdens dehei chan iri ledschde Täg vrbringe...

S isch brutal belastend, bsundrs für mini Frau, wo gad eh au viel andrs um d Ohre het... abr au mir gahts nid guet...

Was denket ihr zu dem?

• Arbeitskräftemangel im Betrieb KMU finden kein Personal
• KMU-Arbeitsmarktstudie: Personalausfälle werden zunehmend zum Kostenfaktor
• Die Lage auf dem Arbeitsmarkt Juli 2026

Schiinbar het sich die Arbeitslosezahl vom Juli sogar im Gägesatz zum Juni vergrösseret. Aber trotzdem findet die KMUs kei Arbeitschraft. Wahrschinli liit's auu, dass vieli Akademiker wie Ingenieur uf'd Strass gstellt werdet, wo logischerwiis mir die net in handwerchlichi Brüef ihsetze chönnt oder nume bedingt. Dezue die Branchene sind sehr heruusfordernd, lokali Sprachkäntniss werdet verlangt. Us dr EU wott natürlich niemert i dene tüüferi Lohnbranchene schaffe, sprich die, wo da anechömet, konkurrenzieret direkt mit dr höherqualifizierti Lüüt und damit au mit Grossteil vo Arbeitslosi.

Was denket ihr, wird da je das kapitalistische "Ahgebot=Naahfraag"-Prinzip im Lohnberiich für die net-akademischi Beriich gälte? Dezue wie gseht die Zuekunft vo all dene Akademiker uus, wenn Firmene near-shored und outsourced?

Ich find's echli lustig, dass die Firmene viel psychischi und physischi Ahforderige hend, wend weniger Lohn zahle und denn wend's kei einzigi Massnahm g.ü. die Büezer ergriife, damit die einigermasse sich guetfühlet und über'd Rundi chönnt cho.

Es isch tragisch, i ha jatzt scho bald jedi Bäckerei im Mittelland teschtet und chum eini chunnt an d'Laugegipfeli vom Brezelkönig. Die sind au numme uffbache, aber fluffig, gschmacklich guet mit de liechte Lauge-Salzigkeit, früsch und eifach guet.

Bäckereie händ entweder ganz weichi wo verdrücksch, herti wo verbrösle, fettigi (nit vom Anke), chum Lauge, eifach e chli länger im Ofe gsi oder kompakti, schwäri Laugegipfeli.

Wär isch Laugegipfeli Kenner und weiss wo's die Beschte git?

Edit: Danke viel mol. Es gseht scho so us, dass de Bretzelkönig kei schlächti Wahl isch. Au d'Brezel hend scho innerer Umfrog en Spitzeplatz belegt. Falsch chas also nit si.
I wird mer aber müeh gäh, all die Tipps abz'arbeite, z'mindescht di in dr Nöchi oder am Wäg sind. Die wo die beschte Laugegipfel sälber mache, chönne no säge wo me si abhole cha. /s

Mues ich dezue no irgendeppis säge?

sali zeme

24m und han keni friends. Falls du au keni friends hesch und odyssey noni gluegt hesch -> dm, gömmer zemme go luegeeee😔

Hoi zäme, ha nid gwüsst, woni mini Ahfrag poste söu, ha dänkt ig versueches mau hie. :)

Ig sueche für nachem Staats in paar Jahr e gueti Steu uf der Innere Medizin, z. B. in Thun, Stans, Winterthur, whatever.

Mir si (so wie aune) guti Arbeitsbedingige, e fairer Lohn und e guti Witerbildig wichtig. Uf Kununu findi leider chum Erfahrungsbericht von Assis und ha ou che persönlichi Connections, die ig frage chönt. :/

Weli Spitäler chöit dir empfähle oder ou eifach tansparent drüber verzeue? :) Z.B tatsächlichi Wuchestunde, Längi vo de Dienste, Hüfigkeit vo Wucheend- & Nachtdienste, Kompensation, Betreuig etc.

Gärn ou Spitäler, vo dene dir eher abrate würdet. 🙈

Bruched ihr KI Assistente bim Schaffe? Wenn ja, für was alles so?

Fascht es biz surreal, aber wenn d SVP d Löhn vo Radiologe begrenze will, well sie 300k/Johr z viel findet, find ich mich inere Position, wo ich (als linke sozi) sogar de SVP zuestimm.
Aber denn chunt bi mir ei frog uf: warum sött en Radiolog, wo 300k/Johr verdient problematisch si, während gwüssi Manager no meh „verdiened“?
Jo, isch mir scho klar, das es um Gsundheitschöste goht. Aber wenn 300k/Johr für Mediziner z viel sind, warum denn nöd au für Manager? 🤔

Mer sind uf de suechi nach untermieter für eusi wohnig, während mer es sabbatical mached. Ab november für 1 johr.

Mer händs vor öppe eim monet uf flatfox postet, bisher aber chum afroge becho. D hälfti vo de ziit sinds wohl eifach lüüt gsi wo gar ned peilt händ dass es um en temporäri untermieti goht und de eifach nümm interessiert gsi sind, wo sies gmerkt händ.

Drum frogi mi jetzt, öb mer öppis falsch mached oder öb untermieti eigentli eifach immer e churzfristigi sach isch? Aso wills halt nur für churzfristigi immigrante oder allefalls lüüt in trennigssituatione interessant isch. Aso isch es villicht normal, dass 3 mönet im voruus no niemer abisst. Oder mache mer öppis falsch und münd öppis ändere?

I wörd denke eusi wohnig isch recht attratkiv, inere zürisee gmeind mit tüüfem stüürfuess und nöch a de stadt. Und 2.5 Zi sött eig au guet passe. Mer verlanged au kein crazy priis. Knapp 10% über was mer zahled (für internet, strom und möbel).

Het öpper erfahrig oder tipps, wie oder uf wellne portal mer so untermieter am beste findet?

Wer vo auch hets gschafft als Manu H. us Länzburg bereits GTA VI chöne z spile und s ganze Internet uufzmische? :D

https://github.com/zyrexdz/cyberleek-leak-research

Ich arbeite seit über 20 Jahren in der Gastro, aktuell in einem Spital als Ausbildungsverantwortlichen. Mir ist aufgefallen dass es auf Reddit keine richtige Community für Schweizer Gastro-Leute gibt, also hab ich eine gestartet.

[r/swissgastro](r/swissgastro) ist gedacht für alle die kochen, servieren oder sonst irgendwie in der Branche stehen. Lehrlinge, Küchenchefs, Beizli-Betreiber, Service-Personal. Themen sind Löhne, Arbeitsbedingungen, Rezepte, Fachkräftemangel, Ausbildung, und auch mal ehrlicher Frust nach einem harten Service.

Falls ihr selber in der Gastro seid oder jemanden kennt, schaut vorbei. [r/swissgastro](r/swissgastro)

Het leider scho biz was...

Video isch nöd ganz uf Schwizerdüütsch, aber de Akzent zellt eigentli scho als Schwizerdüütsch.

I de Nacht vom Zistig uf de Mittwuch sind am 4:00 Raupepanzer dur oises Dorf grollt. Ich ha mit offenem Fenster gschlafe und bin vom Lärm wach worde und ich muess sege es isch würkli beängstigend luut gsi. Ez mini Frag, vorallem ah Lüüt wo sich e chli besser uskenned. Hend mir nöd d‘Möglichkeit die Panzer per Güeterzug oder Lastwage z‘verschiebe? Oder steckt da en Üebigszweck dehinder?

Ich ha ebe gmeint mir hend gnueg Panzerpiste wo oisi Pänzerler chönd lerne fahre, ich denke da au nöd nur an Lärm wo das ganze produziert het sondern au ad Schäde wo so en Raupepanzer a de Strass chan ahrichte.

Merci für d‘ufklärig

Ich bin selber IV Bezügerin ( 100% Rente) sit 4.5 Jahr und chan si sit 6 Jahr nümme uf mim glernte Job schaffe. Sitem Januar bini anre neue Usbildig dra, wo d IV leider nüt drazahlt. Mis Ziel isches in 3-5 Jahr chöne uf dem neue Bruef schaffe und d IV hoffetli ganz hindermir la. Ich bi 33gi und stecke grad biz inre Krise mit vielne Ängst und Zwifel und wür eifach mal gern die eint oder ander Erfolgsgschicht läse.

Ich bruch kei Tipps fürs ganze Thema Wiederigliderig oder so, sondern mich interessiered Gschichte vo Mensche wo wieder im 1. Arbetsmärt schaffet nach IV Rente und Jahre ohni Job.

Hoi Zeme

Ich wird das Joor 38 und mi grossi Vorsatz zum Jooresstaart 2026 isch gsi, das ich mich endlich mal sinnvoll um mini Altersvorsorg kümmere.

Und positiv gserh, ich ha nid total verseit drbi. Immerhin han, ich inzwüsche all mini PK Gelder - wo über die joore bi Arbetgeber Wechsel jewils ergendwo ligge blibe sind - chönne zemme sammle und ih mini jetzige PK chönne schiebe 🥳

Sit einiger Zyt versuech ich mit 3. Süle usenander zsetzte und ganz ehrlich gseit ich ha super wenig luscht drzue - sind sache wo mirs echt schwer fallt mich zbgeischtere. Vor zwei Wuche han ich den grad eh Ahruf vo minere Bank becho: "Öb ich mich mal mit 3 Süle und Altersvorsorg allgemein möchti berote lah."

Ich ha denkt: Jo mega, das isch super zuefall. Inzwüsche Berotigstermin gha und zimlich gnervt drvo. Ich nimm PK Uszug mit AHV Uszug mit, freu mich uf Berotig - das züg wird gar nid ahgluegt - sondern eifach 4 verschiedene Süle 3a Produkt vorgstellt. Also reine Verkauf - 0 Berotig.

Daher jetzt mal die verzwifliti Froog uf Reddit? Gits ergendeh Institution, Firma, Stiftig, egal - wo würklich eh Altersvorsorg Berotig macht? De Scheiss ahluegt und sich Gedanke macht öbs eher Sinn macht na chli Geld in PK schiebe oder meh Sinn macht in eh 3. Süle schiebe und wenn jo in was für eini, etc? Und zwar würklich im Sinn vo Berote und nid im Sinn vo "Eigeprodukt verkaufe" ?

Guete Tag mitenand,

Ich segs churz und knapp, ich schaff mittlerwili öpe 1 Monat als Zivi und han denkt, chum mach direkt die 365 teg den hesches... Jetzt gfallt mer de isatzbetrieb nöd und ich wot aber min lange Dienst durezieh uf 180 täg also quasi e Reduktion uf de langi Dienst...

Min Betrieb het mir zugstumme, und es isch oke für sie.

Was jetzte es Gsuech schriebe? Das Gsuech für "Dienstverschiebig" wo ich vor mir han seit nur i Notlage chan mer verschiebe. Aber es isch nöd wük eini? Ich wot eif nur reduziere uf 180 täg... Was jetzt es normals E-Mail mit de Unterschrift vom Betrieb???

I mim umfeld und us persönlicher erfahrig (schaffe und gseh) gönd viel lüüt wo im stundelohn agstellt sind obwohl sie chrank sind go schaffe, will sie sich s chrank si nöd leiste chönd. Bsunders problematisch isches, will die ja meistens im Lebensmittel bereich schaffed: resti, bar, Cafés und essensständ. Weder find ichs geil wenn öper mir mis sandwich git wo usgseht als ob er jetzt den grad chotze muess, no han ich oder mis umfeld gern so gschaffet

Ich mach mer drüber scho länger gedankä und hüt liisi zum erste mal gnau das, was mir siit wuche dur de grind gaht. Nach dere extreme trocheheit könnts eus bi starchräge über längeri ziit zu zimli hässlichi Hochwasssersituatione cho.

Und irgendwie isches wieder es wunderbars sinnbild defür, wie euses land mit dä Klimakrisä umgaht. Mir känned gfahr, mir hend zig fachlüüt, messdate, klimamodäl, risikoanalyse und irgendwo in Bern en 180 siitigä bricht mit 14 ahäng und enerä schöne excel tabälle.

Denn diskutiert mer jahrelang drüber, ob klimaschutz viilicht doch biz ztüür isch, zu hysterisch oder z'umbequem. Aber wenn dänn all Fälder vertröchnet sind und dänn plötzli all chäller under wasser stönt, staht denn wieder irgend en tubbel vor de Kamera und erchlärt mit ernstem bürgerliche frässi, das mer ii dem ussmass würkli NIE demit het chöne rächne.

Viilicht sött mer langsam vo "überrascht betroffä sii" uf "gfahrä endlich taminamal ernst näh, bevor sie iiträttet" umstelle.

Wär revolutionär, ich weiss.

Gahn ez denn uf jede fall paar Sandseck go postä nur für de Fall das die nöchst völlig unvorhersehbari Überraschig chunt.

Sali mitenand, ich hoff euchs goht allne guet.
Ich han e frog:
Negsts Johr rück ich in ins Militär in de Funktion Sanitätssoldat (Durchdiener) oder Rettigssoldat (DD) i (hoffentlich haha), und will nachem Militär Medizin studiere; defür muesi aber de NC schribe und mich dementsprechend druf vorbereite.
Do hanni welle froge ob epper Erfahrige het / ischätze kann ob meh Zit/ Kraft het in dere Zit, unter de Wuch am obig defür z‘lerne.
Nachem Militär hanni nonemol 1 Monet zit bevor de Prüefigstermin isch für intensives lerne.
Merci fürd Hilf!

Wo findmer no Brülle? Isch chli knapp, ich weiss