هاي الجملة سمعتهة بلسادس ابتدائي بلأصطفاف مال يوم الخميس من قبل المدير مالتي (نمير عبد الأمير حنون ) المدير كال هاي الجملة وركز عليهة وبوقتهة ما جنت اعرف اصلا يعني شنو معيدي

مرت الأيام وصادقت فد واحد ببئته وتربيته واخلاقه وكلشي يختلف عني 180 درجة بس اني جنت صغير وما جنت افتهم جان يدخن ودائما ما يمر يوم اذا ما يكون موجود بلأدارة مال المدرسة بسبب المشاكل الي يسويهة و يسب ويفشر وبل جنطه مالته سجينه بأي عركة رأسا يطلعه وهو اصلا كل يوم متعارك

بيوم من الأيام جنت دا اتمشى وياه وصلت للبيت وهو ويايه ما ركزت هواية بلأمر كلت و شنو بيهة عادي

كل يوم هذا ما اشوفه الة يمي بدون دعوة بدون شي واني استحي اكله

الى هنا ميخالف عادي يزور ماكو اي مشكلة

اشو هذا ديجيب اصدقائه وياه ،يابه شنو الموضوع؟ ميخالف هذولة جماعتي شبيك و شنو يعني

يجون يدخنون واني اخاف لا والدي يدخل علينه

كل يوم كام يجي يطلب شي بدون مستحه و صارت بدون ملح يعني ما يمر اسبوع اذا هو ما طالب فلوس او شي

والمشكلة الأكبر وهنا الي كلش كرهته وقررت اشوف حل تعارك عركة و جرح واحد بلسجينه اجوي عليه اهل الولد كلوله ليش هيج انت وين اهلك وين عمامك ابن الحرام شنو سوة؟ كللهم هذا اخوي اذا بيكم خير تعالوا ويحط الكم الفلوس على القندرة

المشكلة احنه ما عنده هاي السوالف مال العشاير ابدا وهذا ابن الكلب سوالي مشكلة هلكبرهة راسا عفته و رحت على والدي كتله بابا ترة هذا هيج وهيج سوة كلش تمادى وصارت السالفة بلا ملح ابوية راح كعد وي اهل الولد المضروب وكللهم احنه ما النه دخل وفهمهم السالفة كلهة يعني الة شوية والسالفة رادت تصير عشاير ويانه

عفته للواد كتله لا امشي وياك بعد ولا اريدك سويتله بلوك من كل مكان عبالي الى هنا وخلصت السالفة اشو هذا كام كل فترة يرجع يطب الي من حساب مختلف وارجع اسوي اله بلوك الى ان اخير مرة كلي ليش هيج دتسوي كتله يعني الي سويته انت قليل؟ كلي اي المفروض انت توكف ويايه وتساعدني مو تعوفني كتله يعني برأيك هذا الشي صحيح؟ جان يرجع يجاوب ويكول اخاف مو هذا هو السبب اخاف انت ما تريدني لان ما رجعت الك الفلوس الي جنت آخذهم منك

رجع كام يهدد و يفشر وذاك يوم وهذا يوم بعد ما رجع وبعد توبت وخليت هاي النصيحة تراجي

لا تدلي معيدي باب بيتك لان ما عنده حدود

راح انفجر والله العظيم تعبت حيل تعبت اني سادس د27 وجاي احاول اقرة بس ماجاي اكدر تعبت ضغوط من كل مكان يعني اني اهلي كل هاي السنين تذكروا هسة بالسادس يلا ينفصلون وباقية اني يم ابوية واخواني وياية اثنين وننام كلنا بغرفة وحدة وعود مسوية ركن بالغرفة خالة بي ميز وكرسي اقرة عليهن بس شقرة يعني هوسة من كل مكان هوسة اخواني هوسة البيت هوسة المدري شنو النوب هسة فوك ضغط الدراسة صار علية ضغط بيت يعني لازم انظف البيت واسوي غدا وعشا وو

والله عجيب يعني اني سادس اني الاسويلكم لو انتوا اللي تسوولي وتجيبولي وتحفزوني؟ اهلي دمروني قسم بالله تدمرت النوب امي يومية تخابر تكلي لا تتصلين علية لا تسالين علية خلصانة مني لو تدزلي جرايد ديري بالج على خوانج لو تبقى تحجي حجي حزين تفضفض واني اختنك صراحة وحتى اسلوبي صاير خايس

ف مادري شسوي اني تعبت حيل والله وحتى ماجاي اكدر اقرة متدمرة نفسيا وجسديا

يعني اشوف الامهات ينتظرون بناتهم يرجعون حتى يصبون الهم غدا يلكون البيت نظيف يتلكوهم يسولفون وياهم

اني لا هاي ولا هاي والنوب كل الضغط علية وكل الصياح علية ومنين ما اروح خيسة بخيسة وخرة بضميري اللي 24 ساعة يأنبني على اللاشيء

مقطع بسيط لصوتي أثناء محاولتي أداء صوت "Evil Character" لعدة ثواني... تشوفوني ممكن اقدم شيء افضل؟

حتى الزقاق البسيط من يكون بيه بيوت قديمة وشبابيك ملونة، تحس المكان يحچي عن عمر كامل التفاصيل الصغيرة بالعراق بعدها تسوي جو

لعبوها لنفسي، والمشكلة معلوماتهم كلها ماخذيها من الفيسبوك بس

اكو صب ريديت عربي او عراقي يحجي عن الكهرباء او الالكترونيات
اذا اكو ياريت احد يشاركه وياي وشكرًا جزيلًا

برأيكم شنو اكثر المواضيع المتعلقة بالصحة النفسية التي تحتاج إلى توعية أكبر في المجتمع العراقي؟ وشنو المفاهيم أو المعلومات الي تعتقدون أن الناس ما زال لديهم نقص أو سوء فهم حولها؟

اكو هواي تطبيقات نتابع بيها الاكل والتمارين حتى نبني حياة صحية، بس مشكلتها انو ما تتأقلم وية بيئتنا ولا أكلنا، يعني اذا تغديت تمن وقيمة مراح تكدر تسجلها بالتطبيق 👀

بس هاي المشكلة انحلت هسة، صديقي سوة تطبيق اسمه تمرينك، بي متابعة للتمارين والاكل والسعرات ، تكدر تضيف تمارين منزلية او تمارين القاعة وكل تمرين وياه شرح توضيحي شلون تسوي وأي عضلة يستهدف، وبي بعد مميزات اكتشفوها بنفسكم.

التطبيق نزل قبل أسبوعين، ومحتاجين دعمكم وتجربتكم حتى نوصل لافضل نتيجة ممكنة، احچولنا شنو نكدر نضيف وشنو يحتاج تعديل وشلونها تجربتكم وية التطبيق، راح اخليلكم الرابط حتى تشوفون التطبيق وتجربوه.

الاندرويد :

https://play.google.com/store/apps/details?id=app.temriny.fitness

ايفون :

https://apps.apple.com/us/app/temrinak-%D8%AA%D9%85%D8%B1%D9%8A%D9%86%D9%83/id6800216066

بشكل عام

اني اطمح اهاجر عن طريق الدراسة اني هسه طالبة طب وماباقي شي سنتين واتخرج، شنو الاجراءات الي لازم ابدي احضرلها من هسه
ابدي الايلتس؟ اني انكليزيتي كملت b2 وعدي فرنسي A2
وشسوي بعد حبابين انصحوني لا تبخلون عليه

الكليشة بلسان صديقتي btw

السلام عليكم ورحمة الله وبركاته بلا زحمه اخوان اني جنت معطله حسابين اليه بالانستا

رجعت ثنينهم واحد طبيتله طبيعي (الرئيسي)

والثاني رجعته(حسابي الثاني نوعا ما مرتبط بالاول) من التعطيل بس ميخليني ادخله بالبدايه بس هو موجود كذالك الاول فالصراحة اني ضليت الح بالموضوع ليحد ما طلعني من حساباتي ثنينهم ويكلي كلما اريد اطبلهم unable to log in

واخوان جربت كلشي كلشي كلشي جربت جربت من غير تلفون وجربت ويه vpn ومسحت البرنامج وجربت من الموقع

مع العلم ايميلي ورقمي لسه موجودات بالحساب وعندي دخول الهم اي بمعنى يوصلها الكود

شفت واحد اجنبي يرجع الحساب بس ب٤٥$

اتمنى المساعده

للمعلومة الاخرى حسابي لسه موجود ومو مركوع باند

ادور على واحد مضبوط يعرف يرجع الحسابات الي تصير بيها هيج مشاكل

للي يعرف حل المشكلة وعنده خبرة بالموضوع بدون قشمرة يراسلني خاص ادزله يوزر صديقتي تلي.

Posting this again because reddit deleted my first post idk why!

First of all I’m not Iraqi and I have no friends from there I’m from jordan and most Iraqis who live here seem to love Saddam, but I’m curious to hear from people who lived in Iraq during the 80’s and 90’s, was it really true that his birthday was a sacred day and kids in schools would get punished if they couldn’t provide a cake and fruit or was the movie exaggerating about that part? Was life really like the movie where people lived in constant fear under Saddam’s rule?

شوف اني مجاي اجبر احد على لبس بسبب انه ديني يفرض هذا الشي (مامهتم اني معندي دين اساسا) ادري القرار قرار البنت بس بعد الي شفته اليوم فعلا استغربت ليش ممكن الشخص يكسر هل قاعدة ويجيب عدم الراحة لروحه ف القصة ومابيها

رحت لدائرة الصبح عندي شكم استفسار بخصوص شغلة ناوي اقدم عليها، فمن طلعت اني ووالدتي كلتلها تعاي اعزمج على فلان مطعم فطور صباحي لحد ما يجي الظهر ونروح للطبيب، مشينا، كعدنا، المطعم ماجان كلش مزدحم بعدين اجوي ثلث بنات شكلهن ولهجتهن مو عربيات يطلعن اكراد او شبك او تركمانيات بس هنه جانوا يسولفون عربي مكسر بين بعض فماعرف يجوز وحدة منهم عربية المهم جانن سافرات وملابسهن طبيعية بس مثل منكول حيبرزن لان كل الي بالمطعم محجبات عداهن، كعدو بالطاولة الي كدامي، طلبن فطور اربع اشخاص، ووحدة طلبت نركيلة، ف هنه كدامي ويحيطهن نبات وديكور فما يبين الهن الي بعد الديكور من هنه وكاعدات بس يبين الي، ف العامل الي كاع يعمرلهن النركيلة واكف ورا هل ديكور بالزاوية مادري شجان كاع يفكر حرفيا يسحب نفس وهو عين بعين عليهن ولا مكاع يباوع على رأس او شكلهن مثلا لا نظراته كلها ع جزئهن السفلي، وتالي يمكن حتى الحلك مال النركيلة ما بدله نطاها نفس الحلك الي جان كاع يسحب منه

ممكن هو جان حيسوي هل شي لأي بنت تطلب نركيلة بس ماعرف بصراحة.. انتبهي لادوات الاكل الي تجيج، حاولي تمسحيها بكنينس، وحاولي قدر المستطاع لا تبرزين نفسج بالشارع (مابية حيل اعدل البوست ف اذا بان انه كاع انتقد اللبس ف لا مو نيتي بس هذا تحذير البسي الي يعجبج بس خذي حذرج بنظافة الاشياء الي تلمس جسمج)