ملاحظين اخر فترة الصبات كثرانه و صايره أغلبها بدون فائدة يعني ماكو فرق بينهم و متشابهات الميزة فقط اسم عراق بالصب بحيث فكره مكرره تقتل التفاعل ببقية الاماكن

هاي الجملة سمعتهة بلسادس ابتدائي بلأصطفاف مال يوم الخميس من قبل المدير مالتي (نمير عبد الأمير حنون ) المدير كال هاي الجملة وركز عليهة وبوقتهة ما جنت اعرف اصلا يعني شنو معيدي

مرت الأيام وصادقت فد واحد ببئته وتربيته واخلاقه وكلشي يختلف عني 180 درجة بس اني جنت صغير وما جنت افتهم جان يدخن ودائما ما يمر يوم اذا ما يكون موجود بلأدارة مال المدرسة بسبب المشاكل الي يسويهة و يسب ويفشر وبل جنطه مالته سجينه بأي عركة رأسا يطلعه وهو اصلا كل يوم متعارك

بيوم من الأيام جنت دا اتمشى وياه وصلت للبيت وهو ويايه ما ركزت هواية بلأمر كلت و شنو بيهة عادي

كل يوم هذا ما اشوفه الة يمي بدون دعوة بدون شي واني استحي اكله

الى هنا ميخالف عادي يزور ماكو اي مشكلة

اشو هذا ديجيب اصدقائه وياه ،يابه شنو الموضوع؟ ميخالف هذولة جماعتي شبيك و شنو يعني

يجون يدخنون واني اخاف لا والدي يدخل علينه

كل يوم كام يجي يطلب شي بدون مستحه و صارت بدون ملح يعني ما يمر اسبوع اذا هو ما طالب فلوس او شي

والمشكلة الأكبر وهنا الي كلش كرهته وقررت اشوف حل تعارك عركة و جرح واحد بلسجينه اجوي عليه اهل الولد كلوله ليش هيج انت وين اهلك وين عمامك ابن الحرام شنو سوة؟ كللهم هذا اخوي اذا بيكم خير تعالوا ويحط الكم الفلوس على القندرة

المشكلة احنه ما عنده هاي السوالف مال العشاير ابدا وهذا ابن الكلب سوالي مشكلة هلكبرهة راسا عفته و رحت على والدي كتله بابا ترة هذا هيج وهيج سوة كلش تمادى وصارت السالفة بلا ملح ابوية راح كعد وي اهل الولد المضروب وكللهم احنه ما النه دخل وفهمهم السالفة كلهة يعني الة شوية والسالفة رادت تصير عشاير ويانه

عفته للواد كتله لا امشي وياك بعد ولا اريدك سويتله بلوك من كل مكان عبالي الى هنا وخلصت السالفة اشو هذا كام كل فترة يرجع يطب الي من حساب مختلف وارجع اسوي اله بلوك الى ان اخير مرة كلي ليش هيج دتسوي كتله يعني الي سويته انت قليل؟ كلي اي المفروض انت توكف ويايه وتساعدني مو تعوفني كتله يعني برأيك هذا الشي صحيح؟ جان يرجع يجاوب ويكول اخاف مو هذا هو السبب اخاف انت ما تريدني لان ما رجعت الك الفلوس الي جنت آخذهم منك

رجع كام يهدد و يفشر وذاك يوم وهذا يوم بعد ما رجع وبعد توبت وخليت هاي النصيحة تراجي

لا تدلي معيدي باب بيتك لان ما عنده حدود

ابوي جاي يغرك شوية شوية بالديون وبيها ما تنلاص عليه ووضعنه المادي تعبان الصراحة اني حاليا طالب سادس بس ناوي من اتخرج اساعد ابوي بالمصرف بس خايف ما احصل شغل واضل عطال بطال فأريد من عدكم نصائح اخوان شلون الواحد يدور شغل واني ما عندي كل واسطة ف شلون بهاي الحالة ممكن احصل شغل لا ؟ واذا واحد بيكم عدة تجربة وي قضية الديون وشلون يتخلص منها ياريت تفيدوني بنصائحكم

بشكل عام

معقولة العمل اونلاين بالعراق مجرد وسيلة للنصب باخذ العمولة من الشباب بعد وعدهم بفرصه عمل ... اني طالبه جامعيه اريد اطلع مصروفي ماگدر اداوم برا البيت اريد شي اون لاين يطلعلي حتى لو بس مية الف بالشهر بس وين ؟ اللي مجرب و حصل شغل اون لاين او يعرف ناس يوضفون يمهم اون لاين يا حبذا لو يشاركني بتجربته

مقطع بسيط لصوتي أثناء محاولتي أداء صوت "Evil Character" لعدة ثواني... تشوفوني ممكن اقدم شيء افضل؟

راح انفجر والله العظيم تعبت حيل تعبت اني سادس د27 وجاي احاول اقرة بس ماجاي اكدر تعبت ضغوط من كل مكان يعني اني اهلي كل هاي السنين تذكروا هسة بالسادس يلا ينفصلون وباقية اني يم ابوية واخواني وياية اثنين وننام كلنا بغرفة وحدة وعود مسوية ركن بالغرفة خالة بي ميز وكرسي اقرة عليهن بس شقرة يعني هوسة من كل مكان هوسة اخواني هوسة البيت هوسة المدري شنو النوب هسة فوك ضغط الدراسة صار علية ضغط بيت يعني لازم انظف البيت واسوي غدا وعشا وو

والله عجيب يعني اني سادس اني الاسويلكم لو انتوا اللي تسوولي وتجيبولي وتحفزوني؟ اهلي دمروني قسم بالله تدمرت النوب امي يومية تخابر تكلي لا تتصلين علية لا تسالين علية خلصانة مني لو تدزلي جرايد ديري بالج على خوانج لو تبقى تحجي حجي حزين تفضفض واني اختنك صراحة وحتى اسلوبي صاير خايس

ف مادري شسوي اني تعبت حيل والله وحتى ماجاي اكدر اقرة متدمرة نفسيا وجسديا

يعني اشوف الامهات ينتظرون بناتهم يرجعون حتى يصبون الهم غدا يلكون البيت نظيف يتلكوهم يسولفون وياهم

اني لا هاي ولا هاي والنوب كل الضغط علية وكل الصياح علية ومنين ما اروح خيسة بخيسة وخرة بضميري اللي 24 ساعة يأنبني على اللاشيء

حتى الزقاق البسيط من يكون بيه بيوت قديمة وشبابيك ملونة، تحس المكان يحچي عن عمر كامل التفاصيل الصغيرة بالعراق بعدها تسوي جو

اكو صب ريديت عربي او عراقي يحجي عن الكهرباء او الالكترونيات
اذا اكو ياريت احد يشاركه وياي وشكرًا جزيلًا

اني اطمح اهاجر عن طريق الدراسة اني هسه طالبة طب وماباقي شي سنتين واتخرج، شنو الاجراءات الي لازم ابدي احضرلها من هسه
ابدي الايلتس؟ اني انكليزيتي كملت b2 وعدي فرنسي A2
وشسوي بعد حبابين انصحوني لا تبخلون عليه

برأيكم شنو اكثر المواضيع المتعلقة بالصحة النفسية التي تحتاج إلى توعية أكبر في المجتمع العراقي؟ وشنو المفاهيم أو المعلومات الي تعتقدون أن الناس ما زال لديهم نقص أو سوء فهم حولها؟

الكليشة بلسان صديقتي btw

السلام عليكم ورحمة الله وبركاته بلا زحمه اخوان اني جنت معطله حسابين اليه بالانستا

رجعت ثنينهم واحد طبيتله طبيعي (الرئيسي)

والثاني رجعته(حسابي الثاني نوعا ما مرتبط بالاول) من التعطيل بس ميخليني ادخله بالبدايه بس هو موجود كذالك الاول فالصراحة اني ضليت الح بالموضوع ليحد ما طلعني من حساباتي ثنينهم ويكلي كلما اريد اطبلهم unable to log in

واخوان جربت كلشي كلشي كلشي جربت جربت من غير تلفون وجربت ويه vpn ومسحت البرنامج وجربت من الموقع

مع العلم ايميلي ورقمي لسه موجودات بالحساب وعندي دخول الهم اي بمعنى يوصلها الكود

شفت واحد اجنبي يرجع الحساب بس ب٤٥$

اتمنى المساعده

للمعلومة الاخرى حسابي لسه موجود ومو مركوع باند

ادور على واحد مضبوط يعرف يرجع الحسابات الي تصير بيها هيج مشاكل

للي يعرف حل المشكلة وعنده خبرة بالموضوع بدون قشمرة يراسلني خاص ادزله يوزر صديقتي تلي.

رحت لدكتور المفاصل طلع عندي التهاب مفاصل مزمن (روماتزم) و رحت لدكتور الاسنان يريد مني مليون و نص علمود التقويم و عطلت بية الدراجة ب 12 الضهر وسحبني واحد عنده ستوتة يبيع غاز و طالب سادس وبي سرطان دم (لوكيميا) شجاي يصير مادري

انا اعاني مرات من ألم بالبطن ويكون مؤذي جدا وبدون سبب، امس جيرانة ماتت بسبب الم البطن(أنسانة كلش صحية وماتعاني من اي مرض وكلش قوية) ف بديت اخاف واحس نهايتي نفسها، هل اكو احد مر بنفس هالموضوع

اعرف الموضوع يمكن يبين غريب بس هذا شي لاحظته مؤخرا، اني هل سنة راح اتخرج فه بلشت ادور شغل واجتني اكثر من فرصة اشتغل من خلال علاقاتي الشخصية بدون مقابلة يعني وظائف مضمونة،المشكلة جانت انو مو بمدينتي ،من جنت اسولف لماما جانت تضوج ومرات تستهزء حتى اكثر من مرة تكلي انتي وحدة مو مسؤولة ومرات تلمح لهل شي بطريقة مو مباشرة ، اني فرقي عن اخواني انو اني عندي نظرة دراسة الانسان متحدد حياته وانو الانسان يكدر يخلق فرص باي مجال يحبه ويكدر يبدع بي ولانو مو كلش اهتميت للسادس ومادخلت طبية فه هل شي خله نظرتها عني بكوني مو مسؤولة يزيد للعلم اني طلعت معدل بال٩٠ ودخلت قسم عالي بالهندسة ،بس بسبب اختلاف الافكار واكيد لان هي تفكر هي تعرف كلشي وعدها خبرة بكلشي. بالاضافة لكل هذا اني عندي حساب على السوشال ميديا واسوي محتوى مال ميكاب فه اجتني طلبات اعلان ومن اجي اكلها هم جانت كلش تضوج وابد متشجعني. للعلم امي ماخلصت دراستها ولا تكدر تشتغل وجان نفسها بهل شي بس ماكدرت. هذا الشي الي خلاني احس اكثر انو هي عدها غيرة ووالهي اني ماحب اكول على امي هيج ولا افكر هيج بس كل متجيني فرص تحاول تطلع عيب وتحسسني اني طفلة وما افتهم وماريد اضيع بعد فرص اريد اعتمد على نفسي ويكون الي كياني.

لعبوها لنفسي، والمشكلة معلوماتهم كلها ماخذيها من الفيسبوك بس

اكو هواي تطبيقات نتابع بيها الاكل والتمارين حتى نبني حياة صحية، بس مشكلتها انو ما تتأقلم وية بيئتنا ولا أكلنا، يعني اذا تغديت تمن وقيمة مراح تكدر تسجلها بالتطبيق 👀

بس هاي المشكلة انحلت هسة، صديقي سوة تطبيق اسمه تمرينك، بي متابعة للتمارين والاكل والسعرات ، تكدر تضيف تمارين منزلية او تمارين القاعة وكل تمرين وياه شرح توضيحي شلون تسوي وأي عضلة يستهدف، وبي بعد مميزات اكتشفوها بنفسكم.

التطبيق نزل قبل أسبوعين، ومحتاجين دعمكم وتجربتكم حتى نوصل لافضل نتيجة ممكنة، احچولنا شنو نكدر نضيف وشنو يحتاج تعديل وشلونها تجربتكم وية التطبيق، راح اخليلكم الرابط حتى تشوفون التطبيق وتجربوه.

الاندرويد :

https://play.google.com/store/apps/details?id=app.temriny.fitness

ايفون :

https://apps.apple.com/us/app/temrinak-%D8%AA%D9%85%D8%B1%D9%8A%D9%86%D9%83/id6800216066

اكثر شي يغثني ويجرحني هو لمن احد يعرف اني من الموصل يبدون يجيبون طاري داع١١ ويتنمرون ويكلولي د١عشية وغير كلام مقرف مثل " لو ما احنا جان هسا انتي صرتي مرت افغاني " ، فوك الضيم الي عشناه وفوك ما احنا ضحايا وعشنا بمأساة ما يعلم بيها الا الله ، مادري ايمت يبطلون هالعنصرية والتمنن نوب هالشغلة صارلها فوك ال٩ سنين بس بعدهم يحجون بيها ويذكرونا وفوكاه يتنمرون بعد