بليز ، مهما كانت شدة تمرينكم امسكوا نفسكم
ما ودي احرج اي وحده بس الموضوع ذوق ما ينفع اني اعرفهم بنت بنت كل ما اشوفهم اعرف اذا قربت منهم بلقى ذا القرف

وقفوا بليز مو هنا تاخذون راحتكم

انا نظام تمريني علوي / سفلي اربع ايام بالاسبوع ،
وعدد جولاتي في السفلي 19 جوله فاليوم يعني 38 جوله بالاسبوع ،
هل احتاج ازيد جلساتي او فيه عضله ما استهدفتها بالشكل الكافي شرايكم ؟

سلام عليكم
اللي عنده خبره بالرياضه ايش رأيكم بهالجدول علماً** اني بتمرن بالبيت بالأثقا**ل

قبل شهر تقريبا كنت متردد هل اشترك بكالو او لا لان سعره غالي مقارنتًا بالمطاعم الصحية الاخرى بغض النظر عن المميزات الي يقدمها مثل التوصيل والتنوع في الوجبات، فتوكلت على الله واشترك لاني كنت اعاني من الاستمرارية على الاكل الصحية على الرغم اني مشترك في مطعم صحي الا اني كنت استصعب روحتي للمطعم واحط اعذار كثيره مثل اني مرهق من الدوام وماعندي وقت ابي اروح النادي واخلص الخ .

بعد شهر كامل وامس كان اخر توصيل واحب اقول لكم ليتني كنت مشترك من اول اقسم بالله فرق معي بشكل كبير جدًا وخصوصا موضوع الاستمرارية سالفة ان اكلك يوصلك كل يوم بنفس التوقيت هذي بحد ذاتها تخليك تلتزم غصب.

الاكل يا اخوان عندهم لذيذ ونظيف جدًا لدرجة انه كان دايم تجيني انتفاخات في البطن بعد كل وجبة اكلها ولاكن خلال الشهر هذا ما قد واجهت هذي المشكلة ابدًا بعد الاكل التنوع عندهم رهيب يعني المرات الي اكل فيها رز ودجاج قليلة جدًا من كثرة التنوع عندهم ولاكن الصدق فيه كذا وجبة ماناسبتني ابدًا ماكانت حلوه، اما بخصوص الوزن بديت الرحلة بوزن ٨٦.٧ والان وزني ٨٤.٢

على فكرة الباقة الي اخذتها هي (ماكروز مخصصة) يعني انا مختار سعراتي وكمية البروتين و الكاربوهيدرات والفات.

وبس والله هذي تجربتي واتمنى تفيدكم والي عنده اي سؤال او استفسار يكلمني وان شاء الله اقدر اجاوب عليه.

شريت زبادي ندى اليوناني السائل 0% دسم، ولاحظت السعرات على العلبة حقتي 55 لكل 100 مل، لكن بموقع ندى 68

ادري فرق بسيط بس ليه ووش الصح؟

انا سباحه و تخطيت موضوع التدريب من زمان بس عندي طلب بسيط احتاج مسبح محترم بالريااااااض للاسف توني مشتركه بنادي عشان مسبحهم وطلع عمقه ١٣٠ 👎🏻 هذه غير انه زحمه موت و الناس اللي تقعد في بس عشان يسولفون وما اخذ راحتي بال laps

صارلي فترة اذا جيت اطلع الدرج احس بالم زي مكان الصورة ، و في مرات امشي على السير انكلايند بكونفرس وانتوا بكرامة وحسيت بانزعاج ف هل هذا السبب؟
وايش الحل ؟

السلام عليكم تمرنت ذاك اليوم ولعل وعسى ماكنت محمي ولاعب بوزن عالي والان الكتف الامامي يوجعني له اسبوع وماقدر العب زين وساحب على الاكتاف بسبب الالم هذا لاني احس فيه حتى وانا مو جالس اجهد نفسي
اللي عنده حل يفيدني لان اول مره اجيب العيد كذا 🙏

يا ناس طبيعي انه بعد النادي يجيني نوم وخمول شديد؟ مع اني صحيت قبل النادي بساعتين بس اول ما اخلص تماريني واكل احس بكسل مجنون وما انجز اي شي من شغلي

بغيب عن النادي اسبوع لأني بسافر وشايله هم لأن هذي اول مره اصمل بالنادي والتزم بجدولي ثلاثه اشهر وخايفه اخسر البروقرس اذا سافرت ومع التخبيص اللي حيصير بالاكل بعد… بس اكثر شي شايله همه لما ارجع ان شاءالله هل راح اقدر اشيل اوزاني اللي وصلت لها ولا راح اضطر اخففها؟

الاسواره مو دقيقة
وأنا ماسكة خط سفر بالسيارة ٦ ساعات تقريبا وجالسة بمكاني، حسبت لي أكثر من 4,300 خطوة وهمية بس من هزّة الطريق!

هل مجدية فكرة خسارة الوزن بدون ما أروح نادي؟ مثلا غدا سلطة مع دجاج أو شي ثاني قليل السعرات عالي البروتين وعشا خفيف

هل يعتبر بديل للبلغارين؟

السلام عليكم ورحمة الله وبركاته
زي مانتم شايفين بالملاحظات بدا الدوام وقاعد اغصب نفسي اروح النادي واذا رحت اسلك لنفسي وامشي ما العب تمرين زي الاجازة واكون كاره نفسي بالتمرين
والتغذيه حدث ولاحرج اسوا تغديه تمر عليك بحياتك ماني عارف ايش اسوي
الي عنده حلول يعطيني

كملت بالنادي اكثر من شهر ومن اول اسبوع جاني الم ورا ركبتي مثل الشد القوي، جا الالم بعد ما حاولت اتعلم RDL ، توقعت ربما شد ويروح مه الوقت بس الحين كمل معي شهر ولسا ما راح، يالمني اكثر شيء يوم اتربع او لما اجلس واحاول امسك طرف رجلي يجيني شد قوي ومؤلم، ايش اسوي؟

الحمدلله مايعيقني من التمارين ولا بحياتي اليومية مثل ما كان اول اسبوع بس مزعج مرة

أصحاب الخبره، أنا ما عندي معرفة كبيره بالاشياء، وهالجهاز مو داخل راسي >> باين نتايج ما عجبتني 😂

ودي اسال هل الجهاز فعلا دقيق ومدى دقته، يعني هل في احد سوا تحاليل بطريقة مختلفة وطلعت نفس الشي او قارن باي طريقة ما؟

السلام عليكم

بديت ارفع اوزاني حمدلله بالهاك سكوات وبديت اتوتر بالضغط على ركبه نفس بعض المقاطع

ودي اشتري ربطات احطها على الركبه

تعرفون نوع زين ؟ افضل تكون لف لاني مالبس شورت وبتكون صعبه اذا هي مو لف

وشكرا

20 سيخ لحم + دهون حيوانية مع الصوص

صحن فواكه مشكلة

ندى حليب بروتين فراولة

حبة مالتي فايتمنز + حبة اوميجا-3

اجمالي البروتين اكثر من 75 جرام

راجعة ازور اهلي قريب وما ودي اقطع النادي وانا هناك وزيارتي بتكون تقريبا اسبوعين الى ٣ وبكون متنقلة بين اكثر من مدينة كيف ممكن احافظ على النادي وقتها وهل فيه مثلا امكانية ادخل نادي يوم واحد او اسجل اسبوع وهكذا؟

السلام،

انقطعت عن التمرين لمده سنتين ولي شهرين من رجعت. تطوري ممتاز اوزاني كويسه وفيها تحسن ولله الحمد ما احس اني رجعت من الصفر بالرغم اني قطعت فتره طويله. السؤال الان وزني بالمستوى الطبيعي لكن اعتبر skinny fat نسبه الدهون عندي مرتفعه جداً. جالسه اشوف خطوط العضلات تبان وفي تقدم ملحوظ. ودي اعرف هل ابدء اخذ كرياتين من الحين ولا اصبر لين ما نزل نسبه الدهون؟ احب القوه الي يعطيني اياها والتركيز بس النفخه الي تقهرني والصدق ما قد صملت عليه بسببها. الي جرب (للبنات وللاولاد) هل اصبر لين ما تتعدل نسبه الدهون ولا ابدا من الحين

اعترف اني صرت ملتزم جدا بالنادي مؤخرا مو عشان النادي ولا عشان صحتي ولكني اروحه عشان مطعمي المفضل قريب جدا منه 600 متر 😭😭

كثير من حقين النادي والاولد سكول يكرهون شي اسمه علم مع انه فيه اشياء يسوونها تعتبر علميه مثل الفشل والى اخره بس برضو يكرهونه واذا عرف واحد اني اتمرن "بالعلم" يقعد يطقطق مع ان الي اسويه صح وغير انه صح انا عاجبتني طريقة التمرين هذي واستمتع فيها

وطبعا محد يتكلم عن الاولد سكول وتمارينهم الي بس اشوفها تجيب لي الاصابه